வலைப்பதிவுகளின் திரை விமர்சனம்
புதுப்பிக்கப்பட்ட நேரம் : May 23, 2017, 11:45 pm
சூடான சினிமா இடுகைகள்





ராதா
முரளிகண்ணன்







Blue Is the Warmest Colour – அன்பு பால் ...
அனோஜன் பாலகிருஷ்ணன்

திரு. ரஜினிகாந்த் சமூகத்தின் மனமா?
அருள்நிதி .கிருஷ்ணமூர்த்தி







சமீபத்தில் எழுதப்பட்ட திரை விமர்சனம்



தி டீர் என்று தலைவரை சந்திக்கும் (பார்க்கும்) வாய்ப்புக் கிடைத்தது. ரசிகர்கள் பலரில் ...மேலும் வாசிக்க

Thalaivar fans meet

திடீர் என்று தலைவரை சந்திக்கும் (பார்க்கும்) வாய்ப்புக் கிடைத்தது.

ரசிகர்கள் பலரில் ஒருவனாக நேற்று (திங்கள்) கலந்து கொண்டேன். அதோடு அங்கு நிலவும் நடைமுறை சிக்கல்களையும் உணர முடிந்தது.

ஒருங்கிணைப்பது எளிதல்ல

ரசிகர்களை ஒருங்கிணைப்பது மிகப்பெரிய சவால். “என்னை அழைக்கவில்லை, அனுமதியில்லை, என்னைக் கண்டுகொள்ளவில்லை, நானும் மிகப்பெரிய ரசிகன்” போன்ற நெருக்கடிகளைச் சமாளிப்பது கடினம். நேரில் பார்த்தால் தான் உணர்ந்து கொள்ள முடியும்.

சிலர் புரிந்து கொள்வார்கள் பலர் கோபப்படுவார்கள். நேரில் பார்த்த பிறகு தான்.. “ஐயையோ! எப்படிய்யா ஐந்து நாள் நிகழ்ச்சியை நடத்தி முடித்தார்கள்?” என்று இருந்தது.

அனைவரையும் திருப்தி செய்வது சாத்தியமே இல்லை. இதை ரசிகர்கள் புரிந்து கொள்ள வேண்டும். அங்கே உள்ள பாதுகாவலர்கள், ஒருங்கிணைப்பாளர்கள் படும் பாடு ரொம்பப் பாவம்.

தலைவர் வரும் முன்பே மன்றத் தலைவர் திரு சுதாகர்  “வரிசையாக வாங்க, குடும்பங்களுக்கு முன்னுரிமை, யாரும் காலில் விழக்கூடாது, பேசக்கூடாது” என்று அறிவுறுத்தினார்.

விர்ர்ர்ர்ர்ர்ரும்

இது வரை யார் என்றே தெரியாத “தமிழர் முன்னேற்றப்படை” வீரலட்சுமி செய்த போராட்டத்தால், தலைவர் தாமதமாகத் தான் வந்தார்.

இத்தனை வருடங்களாகத் திரைப்படங்களிலும் தொலைக்காட்சியிலும் மட்டுமே பார்த்தவரை நேரில் பார்க்கும் தருணம் செம்ம 
                                                        </div><br />
                                <div class= show_hide_content அச்சு  தமிழ்மணம் நிர்வாகிக்கு அறிவிக்க  



கீழ்கண்ட இரு விசயங்களுக்கிடையில் 10 வித்தியாசங்களை குறைந்தபட்சம் கண்டறிந்த அதிர்ஷ்டசாலிகளுக்கு எனது புத்தகம் ...மேலும் வாசிக்க

bumper

கீழ்கண்ட இரு விசயங்களுக்கிடையில் 10 வித்தியாசங்களை குறைந்தபட்சம் கண்டறிந்த அதிர்ஷ்டசாலிகளுக்கு எனது புத்தகம் சிலவற்றை ரூ.1000 மதிப்பிற்கும் குறையாத வகையில் பரிசாக அனுப்பி வைக்கிறேன். மொத்த பரிசுத்தொகை மூவாயிரம் மாத்திரமே. (எனது புத்தகம் என்றால் எழுதியவன் நான் என பொருள் கொள்ள வேண்டாம். என் சொந்த பணத்தில் வாங்கிய புத்தகம் ஆனா புதுசு – அதாது படிக்காமலே வைத்திருப்பது – பிற்காலத்துக்காய்)

போட்டி வெளிப்படையாக இருக்கோணும் என்பதால் இந்த பதிவின் பின்னூட்ட பெட்டியிலேயே பதிலை போடவும். மறக்காமல் ஒரு டம்மி மெயில் ஐடி ஐ உருவாக்கி தொடர்பு கொள்ளவும். தொடர்பு பட்டையில் சென்று பதிவு செய்ய வேண்டிய தருணம் என்பது பின்னூட்ட பெட்டியில் கோளாறு நிகழ்ந்தால் மாத்திரமே..

இதுதான் விசயம்

_________________

“சமீபத்தில் தனது ரசிகர்களை சந்தித்த ரஜினி இந்த சிஸ்டம் கெட்டுப் போயிருச்சு என சொன்னதற்கும், ‘மக்கள் அதிகாரம்’ அமைப்பினர் இந்த அமைப்பு எதிர்நிலை சக்தியாகி அழுகிநாறுவதாகவும், அருகதை இழந்த்து அரசு கட்டமைப்பு’ என்று சொல்வதற்குமான ஏதேனும் 10 வித்தியாசங்களை பட்டியலிடுக”

_____________

இப்படிக்கு

நான் மணி

 

 


Filed under: அரசியல், மக்கள் அதிகாரம், ரஜினி காந்த் Tagged: அரசியல், பத்து வித்தியாசம், ரஜினி

show_hide_content அச்சு  தமிழ்மணம் நிர்வாகிக்கு அறிவிக்க  
மார்க்கெட் போன ரஜினி, மார்க்கெட் இல்லாத மோடி, மார்க்கெட்டுக்கு மசாலா அரைக்கும் மீடியா - மூன்று பேர்களில் யார் பெரிய திருடன்? ...மேலும் வாசிக்க
மார்க்கெட் போன ரஜினி, மார்க்கெட் இல்லாத மோடி, மார்க்கெட்டுக்கு மசாலா அரைக்கும் மீடியா - மூன்று பேர்களில் யார் பெரிய திருடன்?

show_hide_content அச்சு  தமிழ்மணம் நிர்வாகிக்கு அறிவிக்க  


கீழ்கண்ட இரு விசயங்களுக்கிடையில் 10 வித்தியாசங்களை குறைந்தபட்சம் கண்டறிந்த அதிர்ஷ்டசாலிகளுக்கு எனது புத்தகம் ...மேலும் வாசிக்க

bumper

கீழ்கண்ட இரு விசயங்களுக்கிடையில் 10 வித்தியாசங்களை குறைந்தபட்சம் கண்டறிந்த அதிர்ஷ்டசாலிகளுக்கு எனது புத்தகம் சிலவற்றை ரூ.1000 மதிப்பிற்கும் குறையாத வகையில் பரிசாக அனுப்பி வைக்கிறேன். மொத்த பரிசுத்தொகை மூவாயிரம் மாத்திரமே. (எனது புத்தகம் என்றால் எழுதியவன் நான் என பொருள் கொள்ள வேண்டாம். என் சொந்த பணத்தில் வாங்கிய புத்தகம் ஆனா புதுசு – அதாது படிக்காமலே வைத்திருப்பது – பிற்காலத்துக்காய்)

போட்டி வெளிப்படையாக இருக்கோணும் என்பதால் இந்த பதிவின் பின்னூட்ட பெட்டியிலேயே பதிலை போடவும். மறக்காமல் ஒரு டம்மி மெயில் ஐடி ஐ உருவாக்கி தொடர்பு கொள்ளவும். தொடர்பு பட்டையில் சென்று பதிவு செய்ய வேண்டிய தருணம் என்பது பின்னூட்ட பெட்டியில் கோளாறு நிகழ்ந்தால் மாத்திரமே..

போட்டி இதுதான்..

“சமீபத்தில் தனது ரசிகர்களை சந்தித்த ரஜினி இந்த சிஸ்டம் கெட்டுப் போயிருச்சு என சொன்னதற்கும், ‘மக்கள் அதிகாரம்’ அமைப்பினர் இந்த அமைப்பு எதிர்நிலை சக்தியாகி அழுகிநாறுவதாகவும், அருகதை இழந்த்து அரசு கட்டமைப்பு’ என்று சொல்வதற்குமான ஏதேனும் 10 வித்தியாசங்களை பட்டியலிடுக”

நன்றி

 

இவண்

தேர்வுக் குழுவினர்

 

 


Filed under: அரசியல், மக்கள் அதிகாரம், , ரஜினி காந்த் Tagged: அரசியல், பம்பர் பரிசு, ரஜினி

show_hide_content அச்சு  தமிழ்மணம் நிர்வாகிக்கு அறிவிக்க  
ரஜினி அரசியல் ரஜினியின் அரசியல் அறிவிப்பும் அதன் எதிர்வினைகளுமே இந்த வாரம் முழுதும் பிரதான பேசு பொருள்... ரஜினி அரசியலுக்கு வந்தால் ...மேலும் வாசிக்க
ரஜினி அரசியல்



ரஜினியின் அரசியல் அறிவிப்பும் அதன் எதிர்வினைகளுமே இந்த வாரம் முழுதும் பிரதான பேசு பொருள்... ரஜினி அரசியலுக்கு வந்தால் அவரின் நிறை குறை என்னவாக இருக்க முடியும் என்பதே இந்த பதிவின் நோக்கம்.. நாட்டுக்கு இப்போ ரொம்ப முக்கியம் என்று நினைப்பவர்கள் தயவு செய்து கிளம்பிவிடுங்கள்....

முதலில் ப்ளஸ்கள்...

Read more »

show_hide_content அச்சு  தமிழ்மணம் நிர்வாகிக்கு அறிவிக்க  
தமிழ்த் திரைப்படங்களைப் பார்ப்பதென்றாலே ஒருவித அச்ச உணர்வோடு செல்லும் மனநிலையைத்தான் பெரும்பாலான படங்கள் ஏற்படுத்தி வைத்திருக்கின்றன. இதற்கு நேர்மாறானது மலையாளப்படங்கள். மிகமிக மெல்லிய கதைச்சரடில் ...மேலும் வாசிக்க

தமிழ்த் திரைப்படங்களைப் பார்ப்பதென்றாலே ஒருவித அச்ச உணர்வோடு செல்லும் மனநிலையைத்தான் பெரும்பாலான படங்கள் ஏற்படுத்தி வைத்திருக்கின்றன. இதற்கு நேர்மாறானது மலையாளப்படங்கள்.

மிகமிக மெல்லிய கதைச்சரடில் கட்டப்பட்ட Maheshinte Prathikaaram போகிற போக்கில் புகைப்படக்கலையை முன்னிட்டு கலை குறித்தான பார்வையையும் தேசிய கீதத்துக்கு நிற்கும் வறட்டுத்தனத்தையும் பதிவு செய்துவிடுகிறது.

மாபெரும் ரவுடிகளோடு அரசியல்வாதிகளோடு மோதும் உள்ளீடற்ற போலீஸ் பாத்திரங்கள் பெரும்பாண்மையான தமிழ்ப்படங்களில் காணக்கிடைக்கும். ஆனால், சிறுசிறு குற்றவழக்குகளை நாள்தோறும் சந்திக்கும் ஒரு காவலரைப் பின்தொடர்வதன் வழியாக உறவுகள், வேலை, கார்ப்பரேட், நடுத்தர வர்க்க திமிர்த்தனம் இவற்றைப் பதிவு செய்யும் வணிக நோக்குடன் இயக்கப்பட்ட Action Hero Biju, நமது ஜாதிய மனப்பான்மையை, இந்திய நீதிபரிபாலனத்தை மிகத்துல்லியமாக விமர்சிக்கும் Ozhivudivasathe Kali போன்ற படங்கள் ரசிப்பதற்கும் அதன் கதாபாத்திரங்களோடு, இயக்குனரோடு உரையாடுவதற்குமான மனநிலையைத் தருகின்றன.

Anuraga Karikkin Vellam, James & Alice, Kammatti Paadam, Kali மாதிரியான படங்கள் தன்னளவில் பொருட்படுத்தத்தக்க சில அம்சங்களைக்கொண்டிருக்கின்றன.

இத்தகைய  படங்களுக்கிடையேதான் விரும்பி உண்ணும் கறிகளுக்கிடையே சுவையுமற்ற மெல்லவும் முடியாத ஜவ்வாக சில படங்களும் வந்திருக்கின்றன. அப்படியான பல படங்களை பார்ப்பதையே தவிர்க்கமுடிந்த வகையில் அவை பற்றிய பெரியதொரு குற்றச்சாட்டு இல்லை.

Jacobinte Swargarajyam, Jomonte Suvisheshangal ஆகிய படங்கள் கொண்டாடப்படவில்லை என்பது சரிதான். எனவே அவை குறித்துப் பேசுவதற்கில்லை. ஆனால், Sakhavu, CIA (Comrade in America) படங்களில் என்ன இருக்கிறதென்று கொண்டாடுகிறார்கள். (பெரும்பாலும் மலையாளிகள் கொண்டாடுவதில்லை.) இட்லியை முன்வைத்து கம்யூனிச விளக்கம் கொடுத்த விஜயைக் கொண்டாடிய அடையாளச் சிக்கல் கொண்ட தமிழக கம்யூனிஸ்ட்டுகள்தான் கொண்டாடுகிறார்கள்.

நேர்மறையாகவும் எதிர்மறையாகவும் விமர்சிக்கப்பட்ட Kammatti Paadam படத்தில் பேசப்பட்ட அளவுக்கான அரசியல் Angamaly Diaries படத்தில் இல்லை. என்றாலும், இப்படம் கொண்டாடப்படுவது அதன் செய்நேர்த்திக்காக என்று எடுத்துக்கொள்ளலாம். (Angamaly Diaries பார்த்துவிட்டு அங்கே வரிசையாக பன்றி இறைச்சிக் கடைகள் இருக்கும் என்று தேடியலைந்தால் ஆட்டோ ஓட்டுனர் உட்பட ஏற இறங்க பார்த்த கதை தனி)

19 செவிலியரை வளைகுடா பகுதியிலிருந்து மீட்பது என்ற மெல்லிய கோட்டில் மட்டும் பயணிப்பதில் கரணம் தப்பக்கூடிய வாய்ப்பிருப்பதை அறியும் புதுமுக இயக்குனர் மகேஷ் நாராயணன், புத்திசாலிதனமாகவும் அதேநேரம் அர்த்தமுள்ளதாகவும் மாற்ற, நாயகின் இஸ்லாமிய குடும்பப்பின்னணி அவளது தனிப்பட்ட மணவாழ்க்கை இவற்றோடு பிணைத்து Take Off செய்திருக்கிறார்.

எவ்விதமான நேர்த்தியையும் அரசியல் ஆழத்தையும் உளச்சிக்கல்களையும் பதிவு செய்யாதவைதான் சகாவும் சிஐஏவும். கம்யூனிச ஆதரவு படங்கள் என்ற ஒரு காரணம் மட்டும் இவற்றைக் கொண்டாடுவதற்குப் போதுமானதா?

அப்படிக் கொண்டாடுவதெனில், கம்யூனிச கொள்கைவாதியின் இயக்கம் சார்ந்த நடவடிக்கையையும் அதற்கு எதிரான மனநிலையில் அதிகாரத்தையும் பணத்தையும் தேடியலையும் தேர்தல் அரசியல் கம்யூனிஸ்ட்டுகளையும் எதிரெதிரே நிறுத்திப் பேசும் Arabikkatha மிகச்சரியான படம். கம்யூனிச சித்தாந்தத்தை வழிமொழியும் படமாக இருந்தாலும், சீனா பற்றிய கற்பிதங்களையும் எள்ளல் செய்கிறது.

தொழிலாளி-முதலாளி என்கிற இருதுருவ அரசியல் மட்டும்தான் கம்யூனிசமா? அதற்கு வேறு பரிமாணங்களே கிடையாதா என்பதைத்தான் இட்லி, பட்சன கம்யூனிச விளக்கங்களும் சகாவு படத்தில் பேசப்படும் தட்டையான கருத்தியலும் நமக்குள் கேள்விகளாக எழுப்புகின்றன. இக்கேள்விகள் மார்க்சியத்தை முன்னிட்டல்ல, அதை உள்வாங்கத்தவறிய படங்களை முன்னிட்டு மட்டுமே.

விஜய் படத்தைப்போல, அஜித் படத்தைப்போல காவல்துறையை நோக்கி பெட்ரோல் குண்டு வீசும் ஹீரோயிசத்துடன் தொடங்கும் Comrade in America படத்தில், அரசியல் உரையாடல் என்று தொக்கிற்கு நடுவில் எறாவைத் தேடுவதைப்போல தேடினாலும் எதுவும் கிடைப்பதாக இல்லை.

பிரபாகரன் படத்தைக் காட்டியதற்காகவும் ஈழத்தமிழராக ஒருவரைக் காட்டிய காரணத்தாலும் இந்தப் படத்தைச் சிலாகிப்பவர்களைக் கண்டால் பரிதாபம் மேலோங்குகிறது. ஈழத்தமிழராக வரும் பாத்திரத்தின் மொழி, எந்த வட்டாரத்தினுடையது. தமிழகத்தின் பல்வேறு வட்டாரக் கலப்பாக இருப்பதோடு எங்கேனும் ஒரிடத்தில் ஈழவாடையடிக்கிறது. இந்த உச்சரிப்பில் காட்டப்படும் அலட்சியம் எரிச்சலூட்டுகிறது. அந்தப் பாத்திரத்தின் வழியாக எந்தவிதமான ஈழ அரசியலும் மருந்துக்கும் வாடையடிக்கவில்லை. இது மலையாளப் படங்களுக்கு தமிழர்களிடையே வரவேற்பு பெருகிவரும் சூழலில், தமிழக மற்றும் புலம்பெயர் தமிழ் ரசிகர்களுக்காக வைக்கப்பட்ட வியாபார தந்திரமன்றி வேறில்லை.

கம்யூனிச நாடுகள் வழியாக பயணிக்கும்போது ஏற்படும் நெருக்கடிகளை விடவும் அமெரிக்கா பாதுகாப்பான நாடாக இருப்பதைத்தான் படம் சொல்கிறது என்று என்னுடன் படம் பார்த்த துணைவி கூறினாள்.  ஒருவேளை இது நேர்மையாக செய்யப்பட்டதாகக்கூட இருக்கலாம் ஆனால் சிஐஏ வழியாக சொல்ல விரும்பியது இதைத்தானா?

உள்ளடக்கத்தில் உருப்படியாக வேலை செய்திருக்கிற படத்துக்கே அரபிக்கதா என்று எளிமையாக பெயர் வைத்திருக்கிறார்கள். ஆனால், காம்ரேட் இன் அமெரிக்கா என்று ஊதிப்பெருக்கப்பட்ட தலைப்பைக்கேட்டு இருவேறு அரசியல் சித்தாந்தங்களின் உரையாடலாக, மோதலாக எதிர்பார்த்துப்போனதெல்லாம் பார்வையாளனின் தவறு மட்டும்தானா?

#Sakhavu
#CIA


show_hide_content அச்சு  தமிழ்மணம் நிர்வாகிக்கு அறிவிக்க  


உடல் உறவுடன் சேர்ந்து வாழ்தல் என்பது ஆண்-பெண் என்ற இரு பாலினத்திற்கு உரித்தான ஒன்றாகவே பார்க்கப்பட்டு வந்தாலும், இன்று உடலுறவுடன் சேர்ந்து ...மேலும் வாசிக்க

உடல் உறவுடன் சேர்ந்து வாழ்தல் என்பது ஆண்-பெண் என்ற இரு பாலினத்திற்கு உரித்தான ஒன்றாகவே பார்க்கப்பட்டு வந்தாலும், இன்று உடலுறவுடன் சேர்ந்து வாழ்தல் என்பது பால் நிலை கடந்ததாகவே பார்க்கப்படுகின்றது. அதாவது உடல் உறவு சார்ந்த உறவு என்பது பால் நிலை(Gender) கடந்ததாகவுள்ளது. ஆணோ அல்லது பெண்ணோ தனக்குப் பிடித்த ஆணுடனோ, பெண்ணுடனோ, திருநங்கையுடனோ,திருநம்பியுடனோ உடலுறவு வைத்துக் கொள்வதுடன் சேர்ந்தும் வாழலாம். அதனை ஏற்றுக்கொள்ளும் மனநிலை மேலைத்தேய நாடுகளில் உருவாகிவருவதுடன், அதனை ஒட்டிய விவாதங்கள் கீழைத்தேய நாட்டில் விவாதிக்கப்படவும் செய்கின்றன. பாலின சமத்துவம் குறித்த உரையாடலுடன் sex சார்ந்த உரையாடலும் சிறிய வட்டங்களில் விரிவாக்கப்படுகின்றன.

“Blue Is the Warmest Color” என்கிற பிரெஞ்சு திரைப்படம் பெண்ணுக்கு மற்றொரு பெண்ணின் மீது உருவாகும் காதலையும் அவர்களின் உடல் உறவு சார்ந்த அந்தரங்கத் தேடலையும் மையப்படுத்தி எடுக்கப்பட்ட திரைப்படமாகும். சுருக்கமாக லெஸ்பியன் உறவு நிலைச் சிக்கலை பேசும் திரைப்படமாகக் குறிப்பிடலாம்.

அடேல் என்கிற பெண், நீல நிற தலைச்சாயம் பூசிய இமா என்கிற பெண்ணைச் சந்திக்கும்போது அவளின் வாழ்வு முற்றிலும் மாறுகின்றது. அவர்களுக்கு இடையில் அன்பும் காதலும் விரித்து சரீர உறவும் உருவாகிறது.

இமா, ஓவியர். கலையின் மீது தீராத தாகம் கொண்டவள். அடேல் பல்கலைக்கழகத்தில் படித்துவிட்டு சிறார்களுக்குக் கல்வி புகட்டும் பாடசாலையில் ஆசிரியராகப் பணிபுரிய பிரியப்பட்டு, அவ்வாறான பாடசாலை ஒன்றில் பணிபுரிய ஆரம்பிக்கிறாள்.

அடேலுக்கு ஏற்கனவே ஆண் நண்பர் ஒருவருடன் நெருக்கம் இருந்தாலும் அந்த உறவு அவர்களுக்குள் செழுமையடையாமல் பாதியிலே அறுந்துவிடுகின்றது. அந்தத் தொடர்பு முடிய இமா மீது அடலேலுக்கு ஈர்ப்பு வலுக்கின்றது. அந்த ஈர்ப்பு முதலில் உடல் சார்ந்த கவர்ச்சியாகவே இருக்கின்றது. நீல நிற கேசமும், இமாவின் உடல் மொழியும் அவளைக் கவர்ந்து இழுக்கிறது. ஓரினச் சேர்க்கையாளர்கள் குமிழும் மதுபான விடுதியில் நண்பன் ஒருவனுடன் செல்லும்போது இமாவுடன் நெருங்கும் வாய்ப்பு அடேலுக்கு உருவாகிறது. அதன் பின் நட்பாகி இருவரும் ஒன்றாகச் சேர்ந்து வாழத் தீர்மானிக்கும் வரை அவர்கள் உறவு செல்கிறது. உடல் உறவில் அன்பையும் காதலையும் மாறி மாறிப் பகிர்ந்து உடல் களைத்து ஓயும் வரை தெகிட்டாமல் உடலுறவு கொள்கிறார்கள்.

இமாவின் தோற்றமும் உடல் மொழியும் ஆதிக்கம் செலுத்தும் தன்மை வாய்ந்தாதகச் சித்தரிக்கப்படுகின்றது. ஏறக்குறை பொதுப்படையான ஒரு ஆணின் பொதுவிம்பம் போல.

ஒரு இணையில் ஒருவர் அதிகாரத்தை அதிகம் பயன்படுத்தும் ஒருவராகவே இருக்க நேர்கிறது. ஆண்-பெண் உறவு நிலையிலும் சரி, ஒத்த பால் உறவு நிலையிலும் சரி ஒருவர் அதிகம் அதிகாரத்தைக் கையாள நேர்கிறது. இப்படத்தில் பாலினம் ஒன்றாக இருப்பினும் ஆளுமைத்திறன் என்பது தனிநபர் சார்ந்த ஒன்றாகவே உள்ளது. எதிர்காலச் சங்கதியின் குடும்ப அமைப்பு முறை, உறவு முறை என்பன மாறத்தான் போகிறது. தற்பால் உறவு உள்ள இணைகளின் குடும்ப எண்ணிக்கை சாதாரணமாக அதிகரிக்கும். அக்குடும்பகங்களிலும் அதிகார, ஒடுக்கு முறைகள் தோன்றும்; இங்கே அதிகாரத்தைப் பிரயோகிப்பது அதே ஒத்த பாலாகவே இருக்கும். எனவே குடும்ப உறவில் இருக்கும் அதிகார பிரயோகமும் பால் நிலை கடந்ததாகவே யோசிக்க வேண்டியுள்ளது.

ஓவியரான இமா அதிக நேரம் தன்னுடைய கலை வேலைகளிலும், சந்திப்புகளிலும் மூழ்கிவிட, தனிமை அடேலிடம் உருவாகிறது. இந்தத் தனிமை பாடசாலையில் அவளுடன் வேலை செய்யும் ஆண் நண்பருடன் சினேகிதத்தை வளர்க உதவுகின்றது. அங்கு உருவாகும் அன்பும் சரீர உறவுவரை கொண்டு செல்கிறது. இதைத் தெரிந்து கொள்ளும் இமா கடும் விரத்திக்கு உள்ளாகி அடேலை தன்னிடம் இருந்து விலத்தச் சொல்கிறாள். அவர்களின் உறவு முடிவுக்கு வருகின்றது.

அன்பு செலுத்தும் அதிகாரமும், அகங்கார எழுச்சியும் புரிந்துகொள்ளக் கடினமானவை. இலக்கியமும் கலையும் மீண்டும் மீண்டும் அந்த முரண் புள்ளிகளைத் தொட்டே உசாவுகின்றன. ஒருவரின் அன்பு விதைக்கும் அதிகாரத்திற்குள்(domination) கட்டுண்டு இருப்பது மற்றைய இணையின் நேசம், அன்பு சார்ந்தது. அதனை ரசித்து அதற்குள் கட்டுண்டு இருக்கும்போது காதலும் அன்பும் இன்னும் அவர்களுக்குள் விரீயமாகலாம், அது அவர்கள் சுதந்திரம் சார்ந்தது. சகிக்க இயலாமலோ பொறுக்க இயலாமலோ ரசிக்கும் மனநிலை உடைந்தால் எப்படியும் அந்த உறவு சிதைவடையும். பொங்கிய கடல் அலைகள் நுரைத்துவிட்டு ஓய்வதுபோல அடங்கிவிடும். இங்கு அன்பின் அதிகாரம் பற்றி நிறையவே யோசிக்க வேண்டியுள்ளது. அதிகாரம் செலுத்தாத அன்பும் இருக்கிறது; அந்த உறவுகள் வேறுவகையாக இருக்கும். அங்கிருந்து பல உரையாடல்களை நாம் ஆரம்பிக்கலாம்.

இங்கு அடேல் வேறொருவருடன் தற்காலிக உறவில் இருக்கும்போது, இமாவின் அதிகாரத்தை மீறுகிறாள். இது அவள் விரும்பி நிகழ்த்தும் ஒன்றல்ல, எனினும் தன் நலன் சார்ந்து அதைச் செய்கிறாள். பின் அதற்கு வருந்தி இமாவிடம் மன்னிப்பு கேட்ட போதும் இமாவினால் மீண்டும் அடேலை ஏற்க முடியவில்லை. இமாவின் மனம் நிறையவே புண்பட்டுவிடுகின்றது.

இங்கே கட்டற்ற பாலியல் சுதந்திரம் என்பது கேள்விக்கு உற்படுத்தப்படுகின்றது. ஒருவருடன் உறவில் இருக்கும் போது, நமக்கு விரும்பிய ஒருவருடன் உடல் உறவு வைக்க வேண்டிய தேவை அல்லது விரும்பம் ஏற்பட்டாலோ நினைத்த வகையில் ஈடுபட முடியாத தடைகள் இருக்கின்றன. இவற்றை ஆதிக்கம் என்று புரிந்து கொள்ளாமல், மற்றைய இணையின் அன்பு சார்ந்த ஒன்றாகவே பார்க்க வேண்டியுள்ளது. சரீர உறவில் புக விரும்பும்போது மற்றைய இணை புண்பட மாட்டார் எனின் அது சகஜமாக நிகழும். இல்லையெனில் கடுமையான புண்படுத்தலையே தரும். இந்த அன்புக்கு மதிப்பளிக்கும் போதே இணைத்திருத்தல் சாத்தியமாகிறது. இது தற்பால் உறவு விரும்பிகளுக்கும் பொருத்திப்போகிறது. பால்,இன,காலாசார வித்தியாசம் அற்ற அடிப்படை மனித இயல்பாகவே இதனை நோக்க வேண்டியுள்ளது.

லெஸ்பியன் உறவில் இருக்கும் பெண்கள், தனியே பெண்களிடம் மட்டும்தான் கவரப்படுவதாக இல்லை என்பதைத் தெளிவாக இப்படம் சித்தரிக்கின்றது. குறிப்பிட்ட ஒரு பெண்ணிடம் மிதமிஞ்சிய காதல்,அன்பு வரும்போது அவ்வாறு ஆகின்றது. அதே சமயம் ஒரு ஆணிடம் கூட உறவு வைத்துக்கொள்ள அவள் தயாராகலாம். இங்கு ஏற்படும் உறவுகள் என்பது சக பால் கடந்த அன்பையும் காமத்தையும் ஈடு செய்யும் மனித உறவுச் சங்கிலியாகவே இருக்கின்றது.

தற்பால் உறவில் இருப்பவர்கள் மேல் பொதுவாகக் கீழ்மையான பார்வைகள் நமது சமூகத்தில் இருப்பதுண்டு. அவர்களின் கல்வித்தரம், இயங்கு வெளி தொடர்பாகக் கொச்சையான மனநிலை வளர்த்து வைக்கப்பட்டிருப்பது அதற்குக் காரணம். தற்பால் உறவு விரும்பிகள் பற்றித் தமிழ் வெகுஜன சினிமா உருவாக்கித் தந்திருக்கும் சித்திரம் அத்தகையது. இப்படத்தில் மிகுந்த யதார்த்தமாக அவர்களின் கல்வித்தரம், சிந்தனை அமைப்பு(integration) பற்றி உசத்தியான அபிப்பிராயத்தைத் தருகின்றது. சிலர் முனைவர் பட்டத்திற்குப் படிக்கிறார்கள், கலைஞர்களாக இருக்கிறார்கள். அடேல் சிறந்த ஆசிரியராக இருக்கிறார். அவர்களின் பொதுவெளி உலகம் ஆரோக்கியமான ஒன்றாகவே இருக்கின்றது.

தற்பால் உறவு விரும்பிகள் குழுநிலையாகத் தங்களுக்குள் ஓர் அமைப்பை உருவாக்கி ஒரு பெரிய குடும்பமாகவே இயங்குகிறார்கள். வார இறுதியில் சந்திக்கிறார்கள். அன்பைப் பரிமாறிக் கொள்கிறார்கள்.

எமது சமூகத்தில் தற்பால் விரும்பிகள் மறைந்து வாழவே நேர்கிறது. தமது விருப்பத்தை வெளியே சொல்ல இயலாத நிலையே இருக்கிறது. அவ்வாறானவர்கள் தமக்கிடையே ஒரு அமைப்பை உருவாக்க வேண்டிய அவசியத்தையும் சேர்ந்தே இந்த இடத்தில் யோசிக்க வேண்டியுள்ளது.

செக்ஸ் பால் நிலை கடந்த செயல்பாடாக மாறிவருவதைப் பேசுவதோடு, உறவுச் சிக்கல்களையும் விளிம்பு நிலை உரையாடல்களைப் பொதுவெளியில் இழுத்துப் பிராதனப்படுத்திப் பெரும் விவாதத்தை இப்படமும் செய்திருக்கின்றது.


show_hide_content அச்சு  தமிழ்மணம் நிர்வாகிக்கு அறிவிக்க  
திரை குறுக்கெழுத்துப் புதிர் - 47 ...மேலும் வாசிக்க

திரை குறுக்கெழுத்துப் புதிர் - 47

இந்த குறுக்கெழுத்து புதிரின் விடைகள் அனைத்தும் திரைப்படங்களின் பெயர்களே. ஆனாலும் விடைகளை கண்டுபிடிக்க திரைப்படங்களின் பெயர்கள் அறிந்திருக்கவேண்டும் என்ற அவசியமில்லை. விடைகள் திரைப்படங்களின் பெயர்கள் என்பது கூடுதல் குறிப்புகள். அவ்வளவே. புதிரை வழக்கமான குறுக்கெழுத்துப் புதிராக எடுத்துக்கொண்டு விடைகளை கண்டுபிடிக்கலாம்.

திரைப்படங்களின் தலைப்புகளை சரிபார்க்க வேண்டுமெனில் http://google.com சென்று ஆங்கிலத்தில் திரைப்படத்தின் பெயரையும் அத்தோடு tamil movie என்றும் type செய்து சரிபார்க்கலாம்.


குறுக்காக:


3. ஆங்கில நடை பிடிக்காத ஸ்வாதிக்கு ஒருவகையில் மல்யுத்தம் பிடிக்கும் (3)

4. ஆதிசிவன் கை தொட்டு மெய்மறந்து உச்சியை அடை (4,2)

6. தந்தைவழி உறவில் பகடை விளையாட்டு (3)

7. தீவினை அழிக்கும் ஊர் (5)

10. நொண்டியாய் நொண்டுதலை தவிர்த்து நன்றாக முன்னே நடக்க ஆரம்பித்தால் கேலிப்பேச்சு (5)

11. உயிரோடு விட்டுவிட்ட அதிபரின் விரோதி (3)

13. எவர்க்கும் அடிபணியாதவன் அடங்கா சிகை கொண்டவனோ? (6)

14. 5 நெடு. பார்க்கவும்


நெடுக்காக:


1. யாருக்கும் தெரியாமல் கலையரசி மாயமாய் கொஞ்சம் மறைந்து திரிந்தாள் (6)

2. 12 நெடு. பார்க்கவும்

3. வீட்டிலுள்ளோர், பற்றற்று கும்பிடும்படி அச்சுறுத்துவர். (5)

5, 14 குறு: நாம் இருவர் (3,3)

8. மாலைநேரம் பாதியில் வர முனைகிற மதிவதனி (6)

9. சிகிச்சை காண்பவன் படும் அவஸ்தை அதிகம் (5)

10. அழிவைத் தரும் கூடா தோழமை (3)

12, 2 நெடு: தங்களுக்கு இளையவனை உடன்பிறந்தோர் அறிமுகப்படுத்தும் முறை (3,3)


Transliteration scheme:
உயிர்a : அ|aa, A : ஆ|i : இ|ee,I : ஈ|u : உ|oo,U : ஊ|e : எ|ae, E : ஏ|ai : ஐ|o : ஒ|oa,O : ஓ|au : ஔ|
மெய்k,kh,g : க்|ng,nG : ங்|c,ch,s : ச்|nj,nY : ஞ்|d,t : ட்|N : ண்|dh,th : த்|n-,nt : ந்|b,bh,p : ப்|m : ம்|y : ய்|r : ர்|l : ல்|v,w : வ்|z,zh : ழ்|L : ள்|R : ற்|n : ன்|j : ஜ்|sh : ஷ்|S : ஸ்|h : ஹ்|
உயிர்மெய் (மாதிரி)ka : க|kaa,kA : கா|ki : கி|kee, kI : கீ|ku : கு|koo,kU : கூ|ke : கெ|kae,kE : கே|kai : கை|ko : கொ|koa,kO : கோ|kau : கௌ|k: க்|
ஆய்தம்H : ஃ
நகல் அனுப்புக

show_hide_content அச்சு  தமிழ்மணம் நிர்வாகிக்கு அறிவிக்க  
என்ன பெரிய ரஜினி, ரஜினின்னு துள்ற‌ என பலர் நினைக்கக்கூடும் ...மேலும் வாசிக்க




என்ன பெரிய ரஜினி, ரஜினின்னு துள்ற‌ என பலர் நினைக்கக்கூடும்... ஏனென்றால்...
.
.
நேற்றைய பேட்டியை உன்னிப்பாய் கவனித்திருந்தால் புரியும்.. நேற்றையதை மட்டுமல்ல தலைவரின் ஒவ்வொரு பேச்சுகளுமே இதயத்திலிருந்து வருபவை.. திட்டமிட்டு இதை பேச வேண்டும் என்று பேச முயற்சிக்கமாட்டார்.. நேற்று பேசிக்கொண்டு இருக்கும் போது இத்தனை வருடமாக ஏன் ரசிகர்களை சந்திக்கவில்லை என்பதற்கு பதில் சொல்லும் போது முன்னாடி பட வெற்றி விழாக்களில் சந்திப்பேன்.. இப்போது அந்த வாய்ப்பு அமையவில்லை.. எந்திரன் நன்றாக போனது இருந்தும் அதற்கான வெற்றி விழாவை தயாரிப்பு நிறுவனம் நடத்த முன்வரவில்லை, கபாலி நன்றாக போனது அதற்கு நடத்தமுடியாமல் போய்விட்டது... இத்தோடு முடித்துக் கொண்டிருக்கலாம்.... ஆனால் கோச்சடையான்,லிங்கா சரியாக போகவில்லை என்பதையும் சொன்னார்.. இன்றைய தேதியில் எந்த முண்ணனி நடிகரும் சொல்லத்தயங்கும் இடம் இது தான்.. படம் சூரமொக்கையாக தோற்றிருந்தாலும், மேடையில் வந்து நின்றுகொண்டு ஜெயித்திருக்க வேன்டிய படம் என சமாளிக்கத்தான் பார்ப்பார்கள்... ஆனால் ரஜினி. அப்படியல்ல...!

Read more »

show_hide_content அச்சு  தமிழ்மணம் நிர்வாகிக்கு அறிவிக்க  
வணக்கம் உறவுகளே எம் வலிகளின் ஒரு ...மேலும் வாசிக்க
வணக்கம் உறவுகளே


எம் வலிகளின் ஒரு பகுதியையேனும் வெளி உலகுக்கு காட்ட வேண்டும், எமக்கு இன்னும் ஒரு போர் வேண்டாம் என்ற எண்ணத்துடனும் என்னிடம் இருந்த வளம், அறிவு என்பவற்றை வைத்துக் கொண்டு 2013 இல் இக் குறும்படத்தை உருவாக்கியிருந்தேன்.
இக்குறும்படத்துக்கு என்னோடு துணிந்து நின்று உழைத்தவருக்கும் தடைபட்டுக்கிடந்த படைப்பை பூரணப்படுத்த உதவி செய்து..... இத்தனை சர்வதேச விழாவில் விருதுகளை பெற்றுத் தந்ததுமல்லாமல் எம் பிரச்சனை ஒன்றை அவர்கள் காணச் சந்தர்ப்பம் கொடுத்த என் அன்பு உறவு எல்லோருக்கும் என் சிரம் தாழ்ந்த நன்றிகள்.
miraa creation present
cast - erampu, mathisutha, janakan
music - sutharsan
editing - steepan sansigan
vfx - mathuran raveendran
camera - lokakanthan
assist - sujitha
production manager - sayan
poster - omar
photoghraphy - kugaruban
story, screen play, directed by MaThiSUTHA
contact - 0094750409201





என் பதிவுகளுடன் இணைந்திருக்க கீழே உள்ள பேஸ்புக் லைக் பொத்தானைச் சொடுக்கிச் செல்லவும்.

show_hide_content அச்சு  தமிழ்மணம் நிர்வாகிக்கு அறிவிக்க  
தெருவில் சில பெண்கள் இருப்பார்கள் . அவர்கள் பத்தாம் வகுப்பு ...மேலும் வாசிக்க


தெருவில் சில பெண்கள் இருப்பார்கள். அவர்கள் பத்தாம் வகுப்பு படிக்கும் போது கல்லூரி மாணவர்கள், இளைஞர்களின் கண்களுக்கு மிகச் சாதாரணமாகத் தெரிவார்கள். ஸ்கூல் யூனிபார்ம் போட்டு ரெட்டைச்சடையில் பார்க்கும் போது மனதில் எந்த பட்டாம்பூச்சியும் பறக்காது. ஆனாலும் அவர்கள் செட்டில் சில பையன்களுக்கு அவள்தான் உலக அழகியாய் இருப்பாள். அதுபோலத்தான் அலைகள் ஓய்வதில்லை படத்தில் ராதவைப் பார்த்தபோது பெரிய அழகி என்ற எண்ணம் ஏற்படவில்லை.பெரும்பாலான காட்சிகளில் டல் மேக்கப்புடன் தான் இருந்தார். இந்தப் படம் எங்கள் ஊருக்கு முத்துராமன் மகன் நடிச்ச படமாம் என்ற அறிமுகத்துடனேயே வந்தது. பாடல்கள் ஏற்கனவே ஹிட் ஆகியிருந்தன. முக்கியமாகவாடி என் கப்பக்கிழங்கேபாடல் மாணவர்களின் பேவரைட்டான ஈவ் டீசிங் பாடலாக மாறியிருந்தது. முந்தைய தலைமுறையில் மெல்ல நட மெல்ல நட, தெரு அண்ணன்களுக்கு ஓரம்போ ஒரம்போ மற்றும் சுராங்கனி என்றால் எங்கள் செட்டிற்கு வாடி என் கப்பக்கிழங்கே. தொடர்ந்து சிக்ஸர்களாக அடித்துக்கொண்டிருக்கும் ஒரு பேட்ஸ்மென்னின் இன்னொரு சிக்ஸரையும் மக்கள் சாதாரணமாக கடந்து போவதுபோல இளையராஜாவின் சிறப்பான அலைகள் ஓய்வதில்லை பாடல்களையும் அதிகம் சிலாகிக்காமல் எங்கள் ஊர் கடந்து சென்றது. ஆனால் வாடி என் கப்பக் கிழங்கே மட்டும் பள்ளி மாணவர்களிடம் தங்கிவிட்டது. பள்ளி செல்லும் குமரியின் இயல்பான எழிலுடன் இருந்த ராதாவும்.

இந்தப் பாடலை எழுதியவர் கங்கை அமரன். கேரளாவின் ஸ்பெஷல்களில் ஒன்று கப்பக்கிழங்கு. ராதா கேரளாவில் இருந்து வந்ததால் அவரை வரவேற்கும் விதமாக எழுதினேன் என்றார்.  கிழங்காட்டம் இருக்கு என்று ஊர்ப்பக்கம் சொல்வார்கள், அதன் பொருள் கின்ணென்று உறுதியாக அதிகப்படியாக தொள தொளவென  சதை இல்லாமல் இருக்கும் பெண் என்று அர்த்தம். ராதாவும் அந்தப் படத்தில் அப்படித்தான் இருந்தார். மாநிறம் தான். ஆனால் தமிழர்களுக்கு மிகவும் பிடித்த மாநிறம்.
பத்தாம் வகுப்பில் சுமாராகத் தெரிந்த பெண்களே பிளஸ் டூ சமயத்தில் சற்று எழில் கூடித் தெரிவார்கள். அது தெருவில் திடீரென அதிகரிக்கும் அடுத்த தெருப் பையன்களின் சைக்கிள் மூலமே அது நமக்கு அறியவரும். யாருக்குடா இங்க வந்து இவிங்க டாப் அடிக்கிறாங்க? என்ற கேள்விக்குப் பதிலாக ஒரு குறிப்பிட்ட பெண்ணை சுட்டிக்காட்ட அதுக்காடா? என்று குழப்பத்துடன் நடையைக் கட்டுவோம். அப்படி நடிக்க வந்த ஒராண்டிலேயே எழில்கூடி இளஞ்ஜோடிகள், கோபுரங்கள் சாய்வதில்லை, காதல் ஓவியம் என ஏராளமான இளைஞர்களை கவர்ந்தார்.  அந்தப் பெண்களே கல்லூரியில் படிக்கும் போது எழிலுடன் சற்று ஒயிலும் கூடும். நடை,உடை,பாவனைகள் மெருகேறும். அந்த ஒயில் அவருக்கு தூங்காதே தம்பி தூங்காதே, பாயும்புலியில் வாய்த்தது. அந்த ஒயிலில் ஒரு கூட்டம் மயங்கியது

தெருவில் பள்ளி யூனிபார்ம், கல்லூரியில் படிக்கும் போது கன்வென்ஷனல் சுடிதாரிலேயே கண்கள் பார்த்து பழகிய பெண்ணுக்கு திடீரென கல்யாணம் என்பார்கள், வேண்டா வெறுப்பாய் அம்மாவை அழைத்துக் கொண்டு போகும் டூட்டியால் மண்டபத்திற்குப் போனால் மிதமாய் எடை கூடி, பளபளப்பு வலுவாகவே கூடி அந்தப் பெண் சேலையில் தேவதை போல் மணமேடை ஏறுவாள். அடடா மிஸ் பன்ணிட்டோமே எனத்தோன்றும். அதே போல் அழகுடன் ஆனந்த் படத்தில் இருப்பார். சி வி ராஜேந்திரன் இயக்கிய இந்தப் படத்தில் ராதா சேலையில்  வரும் காட்சிகள் எல்லாம் ஒரு தேர்ந்த ஓவியர் தன்னை மிகவும் கவர்ந்த பெண்ணை தன் வாழ்நாள் முழுவதும் செலவழித்து வரைந்த ஓவியமாகவே தோன்றும். எங்கள் ஊர் திருவிழாவின் போது தியேட்டர்களில் நடுநிசிக் காட்சியாக அந்த ஆண்டில் ஓடிய மிகப்பெரும் வெற்றிப்படத்தை மீண்டும் திரையிடும் வழக்கம் இருந்தது. ஆனந்த் ஒரு தோல்விப்படம். ஆனாலும் அந்த திரைப்படத்தை அந்த ஆண்டு ஒரு முக்கிய தியேட்டரில் வெளியிட்டார்கள். காரணம் அந்த தியேட்டர் ஓனர் ராதா ரசிகர். பிரபு ஹீரோவாக நடித்த அந்தப்படத்திற்கு வந்த இளைஞர் கூட்டத்தைக் கண்டுசங்கிலிபிரபு ரசிகர் மன்ற நிர்வாகியே மிரண்டு போனார்.   

திருமணம் முடிந்து முதல் வருடம் ஊர் திருவிழாவிற்கு வரும் பெண்கள் இன்னும் மெருகேறி இருப்பார்கள். கொஞ்சம் நாணம் குறைந்து வீதிகளில் வலம் வருவார்கள். மாலை வேளைகளில் சர்வ அலங்காரத்துடன் தம்பி, தங்கைகள் உடன்வர திருவிழா கடைகளை அலசுவார்கள், அத்தகைய தோற்றத்தில் ராதா இருந்தது எங்க சின்ன ராசா படத்தில்.
எங்க சின்ன ராசா என்றதுமே பழனி அண்ணன் தான் நினைவுக்கு வருவார். அதிதீவிர திமுககாரர். எங்கள் வார்டின் பூத் ஏஜெண்ட். பாக்யராஜ் அதிமுக அனுதாபி என்பதால் பாக்யராஜின் படங்களைப் பார்ப்பதை தவிர்ப்பார்.  என்னய்யா இவன் மிமின்னு பேசிக்கிட்டு இருக்கான் என்பார். அப்போது டி ராஜேந்தர் திமுக அனுதாபி என்பதால் அவரின் படமான உறவைக் காத்த கிளியை கூட நாலைந்து முறை பார்த்தவர். பாக்யராஜ் பட  போஸ்டரை பார்ப்பது கூட கட்சிக்கு விரோதமான அணுகுமுறை என்ற கருத்தியல் கொண்டவர். அவரை அசைத்துப் பார்த்தது ராதா தான். வழக்கம் போல பாக்யராஜின் போஸ்டர் என்று தலையை திருப்பி புறமுகம் காட்ட முயன்றவரின் கண்ணில் ஒரு மின்னல் போல ராதாவின் அதிலட்சண முகம் படர பாக்யராஜ் படமாக இருந்தாலும் பரவாயில்லை என பார்க்கத் துணிந்தார். கொண்டைச் சேவல் கூவும் நேரம் என்ற பாட்டில் மயிலை ஒத்த அசைவுகளுடன் ராதா ஆட கிறங்கிப் போனார். படத்தை தியேட்டரில் இருந்து தூக்கும் வரை தினமும் அவர் படத்துக்கு போனதை வைத்து எங்கே அவர் அதிமுகவிற்கு மாறிவிடுவாரோ என்ற பயம் கட்சிக்காரர்களுக்கே வந்தது

தொடர்ந்து வந்த சில ஆண்டுகள் அந்த தோற்றத்திலேயே தமிழக ரசிகனுக்கு அருள் பாலித்தாள் அந்த அழகு தேவதை. உழவன் மகன், அம்மன் கோயில் கிழக்காலே, காதல் பரிசு, ஜல்லிக்கட்டு, அண்ணா நகர் முதல் தெரு, பிக்பாக்கெட், ராஜாதி ராஜா எல்லாம் ராதா உச்சக்கட்ட அழகோடு இருந்த காலத்தில் வெளியான படங்கள்

ஒரு விஷயத்தில் ஒரு மனத்தடை இருந்தால் அதை இன்னொருவர் செய்யும் போது அது விலகும். இது உடை விஷயத்தில் மிகப்பொருந்தும். எங்கள் ஏரியா திருமணங்களில் முதல்நாள் மணமகனுக்கு பேண்ட்,சர்ட் முகூர்த்த நேரத்தில் வேட்டி, தாலி கட்டி முடித்து  பரிசுப் பொருட்கள் (மொய் கவர் தான்) வாங்கும் போது கோட் சூட் என்பது வழக்கம். மென்பொருள் நிறுவனங்களில் ஊர்க்காரர்கள் வேலைக்குப் போக ஆரம்பித்த பின்னர் அங்கு நடக்கும் திருமணங்களில் ஷெர்வாணி, குர்தா, ஆப் பிளேசர்  என வெரைட்டியாக மணமகன் ஆடை அணிவதைப் பார்த்து ஆசை கொண்டனர். ஆனால் அதைப் போட்டுவந்தால் என்னடா குடுகுடுப்பைக்காரன் மாதிரி இருக்கே என கலாய்த்து விடுவார்களோ என பயந்து ஆசையை அடக்கிக் கொண்டனர். வசதியான அத்தை, தனக்குப் பெண் கொடுக்காததால் வீம்புக்கு நிறைய செலவு செய்து கல்யாணம் செய்த மேலத்தெரு ரமேஷ் செலவோடு செலவாக ஒரு ஷெர்வாணியையும் இறக்கினார். நல்லாத்தான இருக்கு என அதை சமூகம் ஏற்றுக்கொண்டது. இப்போது முதல் நாள் நிச்சயதார்த்தத்துக்கு ஷெர்வாணி என்பது சம்பிரதாய உடை அளவிற்குப் போய்விட்டது.
அதுபோலத்தான் இந்த சுடிதாரையும் அணிய தமிழகத்துப் பெண்கள் தயக்கம் காட்டி வந்தனர். காதலிக்க நேரமில்லை காஞ்சனா முதற்கொண்டு, ஜெயலலிதா ஏன் ஸ்ரீதேவி வரை சல்வார் கம்மீஸில் வலம் வந்தாலும் பெரும்பாலான தமிழ்ப்பெண்கள் சுடிதார் அணிய தயக்கம் காட்டினர். பப் கை வைத்த ஜாக்கெட், பன் கொண்டை என நடிகைகளிடம் இருந்து பல பேஷன்களை ஏற்றுக்கொண்டவர்கள் சுடிதார் விஷயத்தில் மட்டும் தயக்கம் காட்டிக்கொண்டே இருந்தார்கள். ராதா இதயகோவில், அண்ணா நகர் முதல் தெருவில் அணிந்த சுடிதார்கள் பாந்தமாக இருப்பதைப் பார்த்து பலரும் முயற்சி செய்தார்கள். தமிழ் பெண்களின் சுடிதார் மீதான மனத்தடையை நீக்கியதில் ராதாவுக்கும் ஒரு பங்குண்டு.

சிவாஜி கணேசன், சிவகுமார், கமல்ஹாசன், ரஜினிகாந்த், விஜய்காந்த், சத்யராஜ், பிரபு, கார்த்திக், மோகன், பாக்யராஜ், டி ராஜேந்தர் என அனைத்து முண்ணனி நாயகர்களுடனும் ராதா நடித்தார். ஏன் எஸ் பி பாலசுப்பிரமணியம், நிழல்கள் ரவியுடனும் நாயகியாக நடித்தார். யாருடன் அவர் நடித்தாலும் வித்தியாசமாகத் தெரியவில்லை. எந்த நாயகருடன் இணையாக நடித்தாலும் பொருந்திப்போகும் உயரம்,உடல் அமைப்பு மட்டுமில்லாமல் நடிப்பும் இருந்ததால் எல்லோருடனும் ஈடுகொடுத்து நடித்தார்.

கனவுக்கன்னி என்பது மாஸ் ஹீரோவுக்கு இணையான ஒரு பதம். பெரும்பாலான ஆண்களுக்குப் பிடிக்கவேண்டும். ஸ்ரீதேவிக்குப் பின் அந்த கனவுக்கன்னி அந்தஸ்து ராதாவுக்கு வந்தது. அப்போது மாதவி போட்டியில் இருந்தாலும் அவரை மீறி பலரின் மனங்களில் இடம்பிடித்தார் ராதா. அடுத்து ராதாவின் சகோதரி அம்பிகா, ரேவதி, நதியா என மக்களுக்குப் பிடித்த நடிகைகள் வந்துகொண்டேயிருந்தாலும் கனவுக்கன்னியாக ராதாவே நிலைபெற்றிருந்தார். தர்மத்தின் தலைவனில் அறிமுகமாயிருந்தாலும் வருஷம் 16 மூலமாகவே அந்த கனவுக்கன்னி அந்தஸ்து குஷ்பூவுக்கு இடம்மாறியது

நம்மை ஒருமுறையாவது பார்ப்பாளா என்று நாம் பார்த்து ஏங்கிய பெண் மிகச் சுமாரான அழகுடையவனை திருமணம் செய்துகொண்டால் ஒரு மென்சோகம் நம்மைத்தாக்குமே அதுபோலவே 90கள் ஆரம்பித்த உடன் ராதா, டி ராஜேந்தர், எஸ் பி பாலசுப்பிரமணியம் இவர்களுடன் நடிக்க ஆரம்பித்ததும் ராதா ரசிகர்களுக்கு ஏற்பட்டது. மனைவி ஒரு மாணிக்கம் படத்தில் மலையாள நடிகர் முகேஷின் ஜோடியாக நடித்தார். அந்தப் படத்தில் அர்ஜூன் இருந்தும்

இந்த சமயத்தில் குஷ்பு, ரூபிணி, கௌதமி, பானுபிரியா போன்றோர் தமிழக இளைஞர்களின் மனங்களை ஆக்ரமிக்கத் தொடங்கினார்கள். 91ல் மும்பையைச் சேர்ந்த தொழிலதிபர் ராஜசேகரன் நாயரை ராதா திருமணம் செய்து கொள்ளப்போவதாக செய்தி வந்தது. அதன்பின்னர் ராதா பற்றி எந்தத் தகவலும் இல்லை. ஒருதலையாய் காதலித்த பெண் திருமணம் செய்து கொண்டு தூரதேசம் சென்றதைப் போலவே பல ராதா ரசிகர்களும் இந்நிகழ்வை எடுத்துக்கொண்டார்கள்

பின் ராதா மகள்கள் கார்த்திகா, துளசி நடிக்க வந்தபோது கூட யாரோ எவரோ என்றே பல ராதா ரசிகர்களும் அவர்களை கண்டுகொள்ளவில்லை. சின்னத்திரை நிகழ்ச்சி ஒன்றின் நடுவராக ராதா இப்போது இருக்கிறார் என்ற செய்திகள் வந்தது. மறந்தும் கூட அந்த சேனல் பக்கம் செல்லவில்லை. சமீபமாக இன்னும் நிறையப்பேர் அதுபோலவே இருக்கிறார்கள் எனக் கேள்விப்படுகிறேன். தேவதையாய் கண்ட பெண்ணை சராசரி பெண்ணாக மீண்டும் பார்க்க யார்தான் துணிவார்?  


show_hide_content அச்சு  தமிழ்மணம் நிர்வாகிக்கு அறிவிக்க  
மானஸ்தன் படத்தில் வடிவேலு மற்றும் சரத்குமார் காமெடி பார்த்திருப்பீர்கள்… தங்கப்பதக்கம் படத்தைசரத், தங்கப்ப–தக்கம்என்றுவாசிப்பார்.  வடிவேலு அதை மீண்டும் மீண்டும் அது தங்கப்ப~ தக்கம் என்று பிரித்து சொல்லக்கூடாது, மாறாக, ...மேலும் வாசிக்க
மானஸ்தன் படத்தில் வடிவேலு மற்றும் சரத்குமார் காமெடி பார்த்திருப்பீர்கள்… தங்கப்பதக்கம் படத்தைசரத், தங்கப்ப–தக்கம்என்றுவாசிப்பார்.  வடிவேலு அதை மீண்டும் மீண்டும் அது தங்கப்ப~ தக்கம் என்று பிரித்து சொல்லக்கூடாது, மாறாக, தங்கப்பதக்கம் என்று சேர்த்து சொல்ல வேண்டும் என்று சொல்லுவார். You Tube LINK OR starts at 2: 28 +++++++++++++++++++++++++++++++++++++++++ சமீபத்தில் என்

show_hide_content அச்சு  தமிழ்மணம் நிர்வாகிக்கு அறிவிக்க  


பாகுபலியை  கட்டப்பா ஏன் கொலை செய்தான்? என்ற ஒற்றை வரிக் கேள்விக்கு இரண்டு வருடங்களின் பின்னர் ...மேலும் வாசிக்க
பாகுபலியை  கட்டப்பா ஏன் கொலை செய்தான்? என்ற ஒற்றை வரிக் கேள்விக்கு இரண்டு வருடங்களின் பின்னர் விடை கிடைத்துள்ளது. இந்த இரண்டு வருடங்களில் பலரும் பல பலகோணங்களில் சிந்தித்து விடை பகன்றனர்.   முதலாவது பாகுபலியின்  பிரமாண்டம் மனதைவிட்டு இன்னமும் நீங்கவில்லை. அந்த இடத்தில் இரண்டாவது  பாகுபலியும் இடம் பிடித்துவிட்டது. இந்திய சினிமாவில் பிரமாண்டத்தின்  ஆரம்பம் சந்திரலேகா. நவீன தொழில் நுட்பங்களுடன் பிரமாண்டமான பல திரைப்படங்கள் வெளியாகிவிட்டன. பிரமாண்டம் என்ற மையப் புள்ளி சந்திரலேகாவில்   இருந்துதான் ஆரம்பமாகிறது  சந்திரலேகாவுக்குப் பின்னர்  பிரமாண்டம் என்றால் பாகுபலி ஒன்று, பாகுபலி இரண்டு என இரண்டு படங்களும் வரலாற்றில் இடம் பிடித்துவிட்டன.
திரைக்கதை,வசனம்,நடிப்பு,எடிட்டிங்,இசை,பாடல்கள், இயக்கம்,தயாரிப்பு, உடை, கலை என பட்டியலிடும் அனைத்தும் பிரமாண்டம் தான். இரண்டாவது பாகுபலியின் ஆரம்பத்தில் முதலாவது பாகுபலியின் கதையை  ஞாபகப்படுத்தும் உத்தி மிக அருமையானது. பாகுபலி ஒன்றில் மகனின் கதையையும் பாகுபலி இரண்டில் தகப்பனின் கதையையும் சிக்கலின்றி மிகத் தெளிவாகத் தந்துள்ளார். பாகுபலியின் கதையை நகர்த்தும் முக்கிய கதாபத்திரமான கட்டப்பாவாக சத்தியராஜ் மகிழ்மதி நாட்டுக்கும் பாசத்துக்கும்  இடையில் சிக்கித் தவிக்கும் ராஜமாதா சிவகாமியாக ரம்யா கிருஷ்ணன், அப்பா மகன் இரட்டை வேடத்தில் பாகுபலியாக பிரபாஸ், அப்பாவையும் மகனையும் எதிர்த்து ஆட்சியைப் பிடிக்கும் பல்வாள் தேவனாக ராணா டகுபதி, பல்வாள் தேவனின் தகப்பன்  இடது கை சூம்பிய சகுனியாக நாசர்,  குந்தள தேசத்து யுவராணி   தேவசேனாவாக அனுஷ்கா, அனுஷ்காவின் மாமன்  மாறவர்மனாக சுப்பராஜ், இவர்களுடன் ரோகினி ,தமனா ஆகியோரும் தமது பாத்திரங்களை உணர்ந்து நடித்துள்ளனர்.

ரஜினியை எதிர்த்த நீலாம்பரியாக ரசிகர்களின் மனதில் காலுக்கு மேல்  கால் போட்டு அமர்ந்திருக்கும் ரம்யா கிருஷ்ணன் ராஜமாதாவாக ஜொலிக்கிறார். தில்லான மோகனம்பாள் என்றால் பத்மினி நினைவுக்கு வருவது போல்  நீலாம்பரி, சிவகாமி என்றால் ரம்யா கிருஷ்ணன் தான் மனதில் தோன்றுவார். ராஜ குடும்பத்து விசுவாசமாக நடக்கும் கட்டப்பாவை பல்வாள் தேவனும் அவரது தகப்பனும் நாய் என்றுதான் அழைக்கிறார்கள். முதல் வெளியான பாகுபலியில் வயது போன தேவசேனையாக  ரசிகர்களின் பரிதபத்துக்கு ஆளான அனுஷ்கா அழகு தேவதையாக மிளிர்கிறார்.

காளகேயருடனான் போரில் வெற்றி வாகை சூடிய பாகுபலியை அரசனாகவும் பல்வாள் தேவனை தளபதியாகவும் ராஜமாதா  அறிவிக்கிறார். மக்களின் பிரச்சினைகளை அறிவதற்காக பாகுபலி பிற தேசங்களுக்குச் செல்கிறார்.  பாகுபலிக்குத் துணையாக கட்டப்பா  செல்கிறார். குந்தள தேசத்தில் கொள்ளையரின் அட்டகாசத்தை அடக்கும் யுவராணி தேவசேனாவைக் கண்டு பாகுபலி மயங்குகிறார். பயந்தவர் போல் நடிக்கும் பாகுபலிக்கும் கட்டப்பாவுக்கும் உதவி செய்ய தனது நாட்டுக்கு அழைத்துச்செல்கிறார்  தேவதேனா.    . தொடை நடுங்கியான மாறவர்மனிடம் பாகுபலி யுத்தப் பயிற்சி பெறுகிறார்.  தேவசேனாவின்  அழகிய படத்தைக் கண்டு காமம்  தலைக்கேறிய பல்வாள் தேவன், தேவசேனாவை பாகுபலி காதலிப்பதை அறிந்தும் அவளைத் தனக்கு மணமுடித்துத் தரும்படி ராஜமாதாவிடம் கேட்கிறார். ராஜமாதா சம்மதிக்கிறார்.


பொன்னும் பொருளும் கொடுத்து தேவசேனாவைப்  பெண் கேட்கிறார் ராஜமாதா. அதனை அவமானமாகக் கருதிய  தேவசேனா கோபத்துடன் பதில்  கடிதம் அனுப்புகிறார்  அதனால் சீற்றமடைந்த ராஜமாதா, தேவசேனாவைக்கைது செய்யும்படி உத்தரவிடுகிறார். குந்தள தேசத்தில் பாகுபலி இருப்பதை அறிந்த ராஜமாதா அவருக்குத் தகவல் அனுப்புகிறார். குந்தள தேசத்தை கொள்ளைக்காரர்கள்  தாக்கியபோது பாகுபலி தீரமுடன் போராடி அவர்களைத் துவம்சம் செய்கிறார். பாகுபலியின் வீரத்தைக் கண்டு தேவசேனா திகைத்து நின்றபோது கட்டப்பா உண்மையை கூறுகிறார்.

 பாகுபலியின் காதலை கட்டப்பா பகிரங்கப்படுத்த அனைவரும் சந்தோஷப்படுகின்றனர். பறவை கொண்டுவந்த தகவலின் மூலம் தேவசேனாவைக் கைது செய்வதாக பாகுபலி தெரிவிக்கிறார். அதற்கு தேவசேனா சம்மதிக்கவில்லை. தேவசேனாவின்   மானத்துக்கும் கற்புக்கும் எதுவிட பங்கமும் ஏற்படாது என பாகுபலி உத்தரவாதமளித்ததால் தேவசேனா கைதியாகச் செல்ல ஒப்புக்கொல்கிறார்.


மகிழ்மதி  நாட்டுக்கு அரசனாக யார் முடிசூடியது?. தேவசேனா யாரைத் திருமணம் செய்தார்? கட்டப்பா எதற்காக பாகுபலியைக் கொன்றார்? தேவசேனாவுக்குக் கொடுத்த வாக்கை பாகுபலி  காப்பாற்றினாரா? போன்ற கேள்விகளுக்கு சிக்கலின்றி  விடை தருகிறார் ராஜமெளலி.
மதம் பிடித்த யானையை பாகுபலி அடக்குவது. யானையின் மேல் பாகுபலி ஏறுவது.யானையின் மீது இருந்து அம்பு எய்வது.தீச்சட்டியைத் தலையில் வைத்துச்செல்லும் ராஜமாதா  திரும்பிப்பார்த்து கண்ணால் புன்னகைப்பது. பன்றி வேட்டை, .சண்டையின் தேவசேனாவுக்கு பாகுபலி அம்பு எய்யப் பயிற்சியளிப்பது. பட்டாபிஷேகத்தின்போது பாகுபலியில் பெயரை உச்சரித்ததும் நிலம் அதிர்வது. தேவசேனையின் பிரமாண்டமான ஓவியம்  போன்ற சின்னச்சின்ன  விஷயங்கள்  மனதில் நிற்கும்படி படமாக்கப்பட்டுள்ளன.
"உன் அம்மாவின் நாய் வருகிறது," ,"தேவையின்றி ஐயம் கொண்டேன் கட்டப்பா நீ நாய்தான்," "கைதியாக வருவதை விட பணிப்பெண்ணாக வருவதில் திருப்தி" ,"மதியாதார்  வாழும் தேசத்துக்கு மகிழ்மதி என்று பெயர்" , "இதுவே என கட்டளை. அதுவே என சாசனம்" போன்ற வசனங்களால் தியேட்டர் அதிர்கிறது.

லேசா ருத்ராசா, பலே பலே பகுபலி  ஒரே ஓர் ஊரில். கண்ணா நீ தூங்கடா,வந்தாய் அய்யா,. ஒரு யாகம்  ஆகிய பாடல்கள்ளை  மீண்டும் கேட்கத் தோன்றுகிறது. திரைக்கதை இயக்கம் ராஜ மெளலி,கதை ராஜமெளலியின் தகப்பன் விஜேந்திர பிரசாத்,இசை மரகதமணி தமிழ் வசனம் கார்க்கி,படத்தொகுப்பு கோத்தகிரி வெங்கடேஷ்வரராவ், ஒளிப்பதிவு செந்திகுமார், கிராபிக் காட்சிகள் வியக்கும் படியாகப் படமாக்கப்பட்டுள்ளன. வசூலில் புதுப்புது சாதனைகளை நிகழ்த்தி வருகிறது..ராஜமெளலியின் இந்த வெற்றிக்குப் பின்னால், அவரின் குடும்பம் பெரிய பலமாக இருந்து வருகிறது. அவரின் அப்பா கூறிய கதையே இதன் அடிப்படை. படத்தின் காஸ்டியூம் டிசைனர்களில் ஒருவர் அவரின் மனைவி ரமா. இசையமைப்பாளர் கீரவாணியும் ராஜமௌலியின் உறவினரே. கீரவாணியின் மனைவியான ஶ்ரீவள்ளிதான் படத்தின் லைன் புரொடியூசர். ராஜமெளலியின் மகன் கார்த்திகேயா படத்தின் இரண்டாவது யூனிட்டின் இயக்குநர்.
ராஜமெளலியின் வெற்றிக்கு அவரின் குடும்பத்தினர் அனைவரின் துணை இருந்தாலும், குறிப்பிட்ட இருவரின் பங்கு மிக முக்கியமானது.   அந்த இருவர் ராஜமெளலியின் மனைவி ரமா மற்றும் ரமாவின் சகோதரியும் படத்தின் லைன் புரொடியூசருமான ஶ்ரீவள்ளி ஆகியோர்தான். பாகுபலியின் ஆடை வடிவமைப்பாளர்கள் ரமாவும் பிரசாந்தி திப்ரினேனியும் அரசர் காலத்து கதை என்பதால், அரசர், அரசி, அமைச்சர்கள், எதிரி நாட்டு அரசன், பொதுமக்கள் என பலவித உடைகளை வடிவமைக்க வேண்டியிருந்தது. இந்த உடைகளை அவர்கள் இருவரும் மிக நுட்பமாக வடிவமைத்துள்ளனர்.

பாகுபலியின் காலத்தை மனதில் பதிய வைப்பதில் ராஜமெளலி வெற்றி பெற்றுள்ளார்.சண்டைக் கட்சிகள்  நேர்த்தியாகப் படமாக்கப்பட்டுள்ளன.  மனதை  விட்டு சிரிக்கும் கட்சிகள்  படத்துடன் ஒன்றியுள்ளன. 

பாகுபலியின் வெற்றி உலக சினிமாவை இந்தியாவின் பக்கம் திரும்பிப் பார்க்க வைத்துள்ளது.


show_hide_content அச்சு  தமிழ்மணம் நிர்வாகிக்கு அறிவிக்க  


விபரம்   தெரிந்ததில்   இருந்து   ...மேலும் வாசிக்க
விபரம் தெரிந்ததில் இருந்து ரஜினி ரசிகனாகஇருக்கிறேன்ஆனால் ஒரு முறை கூட அவர் அரசியலுக்குவரவேண்டும் என்றோதமிழ்நாட்டை ஆள வேண்டும் என்றோ நினைத்ததில்லைகாரணம் நம்மூர்அரசியல்வாதிகளின்  அரசியலைப் பார்த்த அனுவத்தில்தான்அரசியல்வாதி என்பவனுக்கு மனசாட்சி என்பதேஇருக்கக்கூடாதுசார்ந்திருக்கும் கட்சி என்ன முடிவு எடுத்தாலும் அதற்கு மாற்றுக் கருத்து கூறக்கூடாதுஎந்தப்பக்கம் புறண்டாவது முட்டுக்கொடுக்க வேண்டும்எதிர்கட்சிகள் என்பவர்கள் தவறு மட்டுமே செய்பவர்கள் எனஎண்ணவேண்டும்பழகிய நண்பனே எதிர்கட்சியில் இருந்தாலும் தரம் தாழ்த்திப் பேசவேண்டும்இன்னும் பலவிஷயங்களை அரசியல்வாதிகளுக்கு எடுத்துக்காட்டாகக் கூறலாம்அதற்கெல்லாம் இவர் சரிப்பட்டு வரமாட்டார்என்ற எண்ணம் எனக்கு எப்பொழுதுமே உண்டுஇப்போதும் கூட.

ஆனால் கடந்த இரண்டு நாட்களாக நடக்கும் சம்பவங்களைப் பார்க்கும்போது உண்மையிலேயே இவர் இப்பொழுதுஅரசியலுக்கு வந்தால் நன்றாக இருக்கும் என்றே தோன்றுகிறதுஇப்போது கூட அவர் தமிழ்நாட்டை ஆளவேண்டும் என்ற ஆசையால் அல்லகடந்த இரண்டு நாட்களாக நம்மூர் அரசியல்வாதிகளிடமும்அவர்களுக்குமுட்டுக்கொடுக்கும் அள்ளு சில்லுகளுக்கும் கிளம்பியிருக்கிறதே ஒரு பயம்… அதை இன்னும் கொஞ்ச நாள்நன்றாகப் பார்க்க வேண்டும் என்று தோன்றுகிறதுஅதற்காகத்தான்.

ஒருவனுக்கு ஏற்படும் பயத்தைபய உணர்வாகத்தான் வெளிப்படுத்த வேண்டும் என்றில்லைசிலர் கோபமாகவும்,சிலர் அழுகையாகவும்சிலர் ஏளமாகவும் வெளிப்படுத்துவர்அப்படி ஒன்றுதான் இப்போது நடந்துகொண்டிருக்கிறதுரஜினியை ஏளனம் செய்வதாக நினைத்து அவர்களின் பயத்தை வெளிக்காட்டிக்கொண்டிருக்கின்றனர். பிடித்தவர்கள் புகழ்ந்தும் பிடிக்காதவர்கள் இகழ்ந்தும் பதிவிடுகிறார்களே தவிற ரஜினியை யாராலும் புறக்கணிக்க முடிவதில்லை. ”ரஜினியையெல்லாம் கண்டுகொள்ளக்கூடாது... அப்டியே விட்டுறனும்” என்று ஒருவர் பதிந்த பதிவில் கூட அவர் ரஜினியைப் பற்றித்தான் பேசியிருக்கிறார் என்பது அவருக்கு தெரியுமோ தெரியாதோ?

மற்றவர்கள் பேசுவதைப் போல அவர் அரசியல் பற்றி அடுக்கு மொழிகளில் அரைமணி நேரம் பேசவில்லை.நாற்பதைம்பதாண்டு கால அரசியல் வரலாற்றைப் புட்டு புட்டு வைக்கவில்லைகட்சி பற்றிப் பேசவில்லை.எதிர்காலத் திட்டங்கள் பற்றி பேசவில்லைஅவர் அந்த கூட்டத்தில் அரசியலைப் பற்றிப் பேசியது ஒரே ஒருநிமிடம்அதுவும் அரசியலில் அவர் நிலை என்ன என்பது பற்றி மட்டும்தான். ஆனால் அன்று லோக்கல் முதல்நேஷனல் சேனல்கள் வரை ப்ரேக்கிங் நியூஸ் அதுதான். மறுநாள் காலை அனைத்து செய்தித்தாள்களின் தலைப்புச் செய்தியும் அதுதான். இதுவே ரஜினி என்பவருக்கு மக்கள் கொடுக்கும் முக்கியத்துவம்.

தலைவா.. நீ ஒரு நிமிடம் பேசிவிட்டுபலரின் தூக்கத்தைக் கலைத்துவிட்டு உன் பாட்டுக்கு வேலையைப் பார்க்கச்சென்றுவிட்டாய்பார்… பல நாட்கள் எங்கிருந்தார் என்று தெரியாதவரெல்லாம் நீ ஒருநிமிடம் பேசிய அரசியலுக்குஅரைமணி நேர அறிக்கை விடுகிறார்.

தலைவா.. நீ அரசியலுக்கு வா… தோற்றுப் போ… தவறே இல்லை.. இங்கு தோற்காத ஆளுமில்லைஉனக்கு அரசியல்தெரியாமல் தோற்றுப்போகலாம்.. சூது வாது தெரியாமல் தோற்கலாம்இங்கு 50 ஆண்டு காலம் அரசியல் அனுபவம்உள்ளவர்களையே பல தேர்தல்களில் முட்டியைத் தூக்கிக் கொண்டு ஓடச் செய்தவர்கள் நம் மக்கள்.. பலஆண்டுகளாக அரசியலில் பழம் தின்று கொட்டை போட்ட பலரை சட்டமன்றம் எப்படி இருக்கும் என்றே பார்க்கவிடாதவர்கள் நம் மக்கள். ”ஒரே ஒரு முறை எங்களிடம் கொடுங்கள் அப்புறம் பாருங்கள்” என்று காலில் விழுந்தவர்களை எட்டி உதைத்தவர்கள் நம் மக்கள். அவர்களுக்கு முன்னால் நீ தோற்பது பெரிய விஷயமே அல்ல.

உன் துறையில் நீ தோற்றால்தான் நீ வெட்கப்படவோ வேதனைப் படவோ வேண்டும்உன் துறையில் என்றுமேநீதான் ராஜா.. உன் துறையில் நீ சாதிக்காத்து இன்னும் என்ன இருக்கிறது? ”தமிழ்” என்ற ஒன்றைவைத்துக்கொண்டுஊரை ஏமாற்றி குண்டுச் சட்டிக்குள்ளேயே குதிரை ஓட்டிக் கொண்டிருப்பவர்கள் மத்தியில்பிறப்பால் வேறு மாநிலத்தோனாக இருந்தாலும், வெளிநாடுகளில் தமிழனுக்கு அடையாளமாய் இருப்பவன் நீ.ஜப்பான் மக்களைக் கூட தமிழ் கற்கச் செய்தவன் நீமலேசிய அதிபரை வீடு தேடி வரவைத்தவன் நீஉன்துறையில் நீ சாதித்ததைப் போல்அரசியலில் இங்கு எவனும் சாதிக்கவில்லை.

உன்னை பயந்தாங்கோளி என்கிறார்கள்.. அவர்களின் தைரியத்தைப் பற்றி மக்களுக்கு நன்றாகவே தெரியும்.தனியாகத் தேர்தலைச் சந்திக்கத் துப்பில்லாமல் கூட்டணிக்காக எவன் காலிலும் விழும்மகா தைரியசாலிகள்தான்உன்னை பயந்தாங்கோளி என்கிறார்கள்மக்களின் வாக்குகளைப் பெற ஜாதியின் துணையை கூடவே அழைத்துச்செல்லும் மாபெரும் தைரியசாலிகள்தான் உன்னை பயந்தாக்கோளி என்கிறார்கள்.

உனக்கு நிர்வாகத் திறமை இல்லை என்பார்கள்.. கூட்டத்தை கும்பிடு போட வைக்கும் நிர்வாகத் திறமையோ, கூண்டோடு எம்.எல்.ஏக்களை அடைத்து வைக்கும் நிர்வாகத் திறமையோ நிச்சயமாக உன்னிடம் இல்லை. தெர்மோக்கோலை வைத்து ஏரியை மூடிய புத்திசாலிகளை விடவோ, ஜெயிலில் இருக்கும் குற்றவாளிகளுக்காக தற்கொலை செய்துகொள்வேன் என்று கூறி வெட்கமில்லாமல் திரியும் மானஸ்தர்களை விடவோ நீ குறைவான அரசியல் எதுவும் செய்துவிடப் போவதில்லை.

மரம் வெட்டி அரசியல் செய்தவர்களுக்கும், பிணத்தை வைத்து அரசியல் செய்பவர்களுக்கும் உன்னுடைய கள்ளங்கபடமற்ற நேர்மையான பேச்சு கலக்கத்தை தான் உருவாக்கியிருக்கிறது. கேட்பாரற்றுக் கிடப்பவர்கள் உன்னை வைத்து முகவரி தேடிக்கொள்ள முயல்கிறார்கள். உனக்கு அரசியல் சரிப்படாது என்கிறார்கள்.  நீ அரசியலுக்கு வந்தால் அவர்களுக்கு சரிப்படாதோ என்னவோ?

அரசியலில் நீ இல்லாவிட்டாலும் கடந்த 20 வருடங்களாக உன் பெயர் அடிபடாமல் எந்தத் தேர்தலுமே இங்கு நடைபெறவில்லை. உன்னுடைய ஆதரவை நாடாத கட்சியும் இல்லை.

நிழலையும் நிஜத்தையும் வேறுபடுத்திப் பார்க்கத் தெரிந்தவன் நீ. திரையில் பேசுவதைப் போல வீரவசனம் பேசி கட்சி ஆரம்பித்தவர்களுக்கு இன்று சின்னமே இல்லை. மக்கள் செல்வாக்கைப் பயன்படுத்தத் தெரியாதவன் என உன்னை சிலாகித்துவிட்டு உனக்கு முன் அரசியலில் இறங்கிய மெகா ஸ்டார்கள் கடையை காலி செய்துவிட்டு மீண்டும் அரிதாரம் பூசிய கதைகளை உலகறியும்.

எதை எப்போது செய்யவேண்டும் என்பது உனக்குத் தெரியும். உன் மனதில் இருக்கும் ஆண்டவனுக்குத் தெரியும். இரண்டு நிமிடப் பேச்சுக்கே பதற்றத்தில் ஆங்காங்கு நிறைய உளரல்கள் கேட்க ஆரம்பித்து விட்டது. அப்படியானால் நீ வருகிறாய் என்றால் அவர்களின் புலம்பல் எப்படி இருக்கும் எனப் பார்க்க பேராவலாக உள்ளது.

தலைவா… நீ அரசியலுக்கு வா… உன்னுடைய ரசிகர்களை நம்பி வரவேண்டாம்உன் எதிரிகளை நம்பி வா…. நீநடிகனாக இருக்கும்போதே “என்ன செய்தாய் என்ன செய்தாய்” என்று உரிமையோடு கேட்பவர்கள் அவர்கள்.. நாளெல்லாம் உன்னைக் திட்டித் தீர்த்துவிட்டு உன் படத்தின் முதல் காட்சிக்கு வந்து முதலில் நிற்பவர்கள் அவர்கள்.நீ என்ன செய்து கிழிக்கிறாய் என்று பார்ப்பதற்காவது அவர்கள் நிச்சயம் உனக்குத்தான் வாக்களிக்கப்போகிறார்கள்..!!!

நீ வெற்றி பெற்றால் வாழ்த்தும் தகுதி பலருக்கு உண்டு. ஆனால் தோல்வியடைந்தால் ஏளனம் செய்யும் தகுதி எவனுக்கும் இல்லை. ஏனென்றால் அரசியலில் தோற்காதவனே இல்லை!!!


show_hide_content அச்சு  தமிழ்மணம் நிர்வாகிக்கு அறிவிக்க  
ரஜினி - ரசிகர்களை சந்திப்பதற்கு காரணம் என்ன? எந்திரன் 2 படத்திற்கான விளம்பரம், பாஜகவில் சேருவதற்கான முன்னோட்டம், RSS குருமூர்த்தி-களின் சதித்திட்டம் - வாக்களியுங்கள்! ...மேலும் வாசிக்க
ரஜினி - ரசிகர்களை சந்திப்பதற்கு காரணம் என்ன? எந்திரன் 2 படத்திற்கான விளம்பரம், பாஜகவில் சேருவதற்கான முன்னோட்டம், RSS குருமூர்த்தி-களின் சதித்திட்டம் - வாக்களியுங்கள்!

show_hide_content அச்சு  தமிழ்மணம் நிர்வாகிக்கு அறிவிக்க  
...மேலும் வாசிக்க



எழுத்துப் படிகள் - 199 க்காக கொடுக்கப்பட்டுள்ள எல்லா திரைப்படங்களும்  எம்.ஜி.ஆர்     நடித்தவை. ஆனால் இறுதி விடைக்கான திரைப்படம்   (6)  அர்ஜுன் கதாநாயகனாக நடித்தது.    



எழுத்துப் படிகள் - 199  க்கான திரைப்படங்களின் பெயர்கள். 


1.    திருடாதே                   

2.    பெரிய இடத்துப் பெண்           

3.    கொடுத்து வைத்தவள்              

4.    நல்ல நேரம்             

5.    கண்ணன் என் காதலன்              

6.    படகோட்டி   
       
     
இவற்றை வேறு ஒரு குறிப்பிட்ட வரிசையில் அமைத்துக் கொண்டால்,  அந்த வரிசையில், முதல் படத்தின் முதல் எழுத்து, 2 - வது படத்தின் 2 - வது எழுத்து, 3 - வது படத்தின் 3 - வது எழுத்து, என்று அப்படியே படிப்படியாக 6 - வது படத்தின் 6 - வது எழுத்து இவற்றைச் சேர்த்தால், வேறு ஒரு திரைப்படத்தின் பெயர் அமையும். 

விடைக்கான திரைப்படத்தின் பெயரை கண்டுபிடிக்க வேண்டும்.

இறுதி விடைக்கான திரைப்படத்தின் பெயரை பின்னூட்டமாக மட்டும் அனுப்பவும். 


ராமராவ் 

show_hide_content அச்சு  தமிழ்மணம் நிர்வாகிக்கு அறிவிக்க  


கடந்த சில நாட்களாக ஹேக்கர்கள் வானாக்ரை என்னும் ரான்சம்வேரை பரப்பி எல்லாரையும் அதிர்ச்சிக்குள்ளாக்கினர். தற்போது ஹேக்கர்கள் டிஸ்னி நிறுவனத்தின் வெளியிடப்படாத திரைப்படம் ஒன்றினை ஹேக் செய்து ...மேலும் வாசிக்க
கடந்த சில நாட்களாக ஹேக்கர்கள் வானாக்ரை என்னும் ரான்சம்வேரை பரப்பி எல்லாரையும் அதிர்ச்சிக்குள்ளாக்கினர். தற்போது ஹேக்கர்கள் டிஸ்னி நிறுவனத்தின் வெளியிடப்படாத திரைப்படம் ஒன்றினை ஹேக் செய்து பணம் கேட்டு மிரட்டி வருகின்றனர்.



ஹாலிவுட்டில் மிகப்பெரிய சினிமா நிறுவனமான வால்ட் டிஸ்னி நிறுவனத்தின் இன்னும் வெளியிடப்படாத திரைப்படம் ஒன்றினை ஹேக்கர்கள் திருடிவிட்டார்கள். அதனை இணையத்தில் வெளியிடாமல் இருக்க பிட்காயின் மூலம் மிகப்பெரும் தொகையை கேட்டிருக்கின்றனர். பணத்தை தரவில்லை என்றால் முதலில் படத்தின் ஐந்து நிமிடக் காட்சிகளையும், பிறகு இருபது நிமிடக் காட்சிகளையும் வெளியிடப்போவதாக மிரட்டியுள்ளனர்.

பணத்தை தர டிஸ்னி நிறுவனம் மறுத்துவிட்டதாகவும், FBI-யிடம் புகார் அளித்துள்ளதாகவும் தெரிவித்துள்ளது. டிஸ்னி நிறுவனத்தின் Pirates of the Caribbean: Dead Men Tell No Tales, கார்ஸ் 3 ஆகிய படங்கள் இந்த வருடம் வெளிவருகிறது.

சைபர் க்ரைம் தாக்கம் நாளுக்கு நாள் அதிகரித்து வருகிறது என்பதை நாம் உணர்ந்து பாதுகாப்பாக இருப்பது நன்று!

show_hide_content அச்சு  தமிழ்மணம் நிர்வாகிக்கு அறிவிக்க  


நல்ல கதையை சொதப்பலா எடுத்துருக்காங்கன்னு பவர் பாண்டி படத்தை பத்தி கண்ணம்மா வருத்தப்பட்டிருந்தா. ஒரு ட்ராமாவை இதுக்கு மேல என்ன பண்ண ...மேலும் வாசிக்க
நல்ல கதையை சொதப்பலா எடுத்துருக்காங்கன்னு பவர் பாண்டி படத்தை பத்தி கண்ணம்மா வருத்தப்பட்டிருந்தா. ஒரு ட்ராமாவை இதுக்கு மேல என்ன பண்ண முடியும்னு தெரியல

பொதுவா பெண்ணியவாதிகளிடம் ஒரு பேச்சு உண்டு. ஆண்கள் பழைய காதலை தேடிபோகும் படமா எடுக்குறாங்க. பெண்கள் போற மாதிரி ஏன் எடுப்பதில்லைன்னு

ஒரு முத்தச்சி கதான்னு மலையாளபடம் ஒன்னு. ஆங்கிலத்தில் வந்த த பக்கெட் லிஸ்ட் சாயலில் இருக்கும். வயசான நேரத்தில் ஆசைபட்டதெல்லாம் செய்யும் போது காதலனையும் சந்திப்பதும் ஒரு விருப்பமா இருக்கும்.



ஒப்பிட்டளவில் பார்த்தால் மலையாள சினிமா, தமிழ் மசாலாக்களை தாண்டி காத தூரம் போயிருச்சு. கிட்டதட்ட சார்லி படமும் இப்படி தான். ஆனால் வயசான இல்ல.

ஆனால் என்னை பொறுத்தவரை பெண்கள் பழைய காதலனை பார்க்கும் அளவுக்கு மன ரீதியாக தூண்டப்பட மாட்டார்கள். இயற்கையிலயே பாதுகாப்பு உணர்வு அதிகம் என்பதால் மகிழ்வை அனுபவிப்பதை விட தான் செய்வது சரியா, தவறான்னு குழப்ப ம்னநிலையில்யே இருப்பார்கள். அதும் முதல் காதல்னா சொல்லவே வேண்டாம்

ஒரு இழப்பை தாங்கிக்கொள்ள சட்டென்று எதிராளின் மேல் எல்லா பழியையும் தூக்கி போட்டு குற்ற உணர்வின்றி அனுபவத்தை தூக்கி போடுவது பெண்களுக்கு எளிதான ஒன்று. அது வரமும் கூட. அதனால் தான் பெண்கள் காதல் தோல்வில் தாடி வளர்த்து தண்ணி அடிப்பதில்லை.



பெண்கள், சமூக அமைப்பு, குடும்ப கட்டுமானத்தில் வளர்க்கப்பட்டவர்கள். தன் உரிமைகளை விட சமூகம் என்ற நான்கு பேருக்கு பயப்படுவார்கள். தன் குழந்தைகளும் அதே போல் வளர்த்து அவர்கள் உரிமைகளையும் பறிப்பார்கள்.

அடுத்த தலைமுறையாவது ஆண், பெண் வித்தியாசம் இல்லாமல் வளர்ந்து வாழட்டும்

show_hide_content அச்சு  தமிழ்மணம் நிர்வாகிக்கு அறிவிக்க  


              உலக சினிமா ஆர்வலர்கள் ஒன்றைப் புரிந்து வைத்திருக்கிறார்கள். இணையமும், நவீன தொழில்நுட்ப வசதிகளும் ...மேலும் வாசிக்க
 
            உலக சினிமா ஆர்வலர்கள் ஒன்றைப் புரிந்து வைத்திருக்கிறார்கள். இணையமும், நவீன தொழில்நுட்ப வசதிகளும் வீட்டிற்கே வந்து விட்ட பிறகு, நல்ல தரமான உலகத் திரைப்படங்களைத் தேடித் தேடிப் பார்க்கிறார்கள். நானும் விதிவிலக்கல்ல. எங்கெல்லாம் நல்ல திரைப்படங்களைப் பற்றிய குறிப்புக்களை வாசிக்க நேர்கிறதோ, எனது அலைவரிசைக்கு ஒத்துவரக் கூடிய திரைப்படமாகக் காண்கிறேனோ, உடனடியாக அதைத் தேடிப் பிடித்துப் பார்த்து விடுகிறேன்.

             தமிழ் ஊடகங்களில் அநேகமானவை வெறுமனே தமிழ்த் திரைப்பட விமர்சனங்களையும், அவற்றுக்கான புள்ளிகளையும் இட்டு பெருமைப்பட்டுக் கொள்வதோடு நின்று விடுபவை. தமக்குப் பிடித்த நடிகர்கள், இயக்குனர்கள் மீதான ஆராதனைகளோடு, தமக்கு ஒரு சதம் கூடப் பயனற்ற வசூல் சாதனை விபரங்களை பெருமையோடு பகிர்ந்து கொள்ளும் மூளையும், புத்தியும் மழுங்கிய வெறி கொண்ட ரசிகர்கள்தான் முகநூலிலும் தெருவுக்குத் தெரு நின்று கொண்டு பல்லிளிக்கிறார்கள் அல்லது முறைக்கிறார்கள். யதார்த்தத்தில் அவர்களிலிருந்து தப்புவதுதான் பெரும்பாடாக இருக்கிறது.

            இப்படியான இன்னல்களிலிருந்தும், தொந்தரவுகளிலிருந்தும் தப்பி, உலகில் வெளிவரும் நல்ல திரைப்படங்களைப் பார்க்க நிறையத் தேட வேண்டியிருக்கிறது. முன்பெல்லாம் அதற்கென்றே அநேகமான நேரம் செலவாகும். அண்மையில் சிவசங்கர் எனும் நண்பர் ஒருவர், என்னை ஒரு முகநூல் குழுமத்தில் இணைத்து விட்டிருந்தார். 'World Movies Museum' எனும் அக் குழுமத்தையும் வழமையாகக் காணும் சாதாரணமான ஒரு குழுமமாகக் கருதி, உள்ளே சென்று பார்த்தால், எனது கருதுகோளை அப்படியே சிதறடிக்கச் செய்துவிட்டது குழுமத்தின் நேர்த்தியும், படைப்புக்களும்.

            தாம் பார்த்த, உலகம் முழுவதிலிருந்தும் வெளிவரும் நல்ல திரைப்படங்களைக் குறித்து குழும நண்பர்கள் பகிர்ந்து கொள்கிறார்கள். விவாதிக்கிறார்கள். ஆரோக்கியமான விவாதங்களாக அவை இருக்கின்றன. இக் குழுமத்தில் நல்ல பதிவுகளை மாத்திரம் பதிவிடுவதால் நம்பகத்தன்மையோடு அனைத்து நண்பர்களுக்கும் பரிந்துரைக்க முடிகிறது. உலக சினிமா ஆர்வலர்கள் நிச்சயம் இணைந்து கொள்ளலாம். இந்தக் குழுமம் ஏமாற்றவில்லை. நேரத்தை வீணடிக்கவில்லை. புதிய பதிவுகளை தினந்தோறும் தந்துகொண்டே இருக்கிறது.

           இனியும் இவ்வாறே தொடரட்டும் என்ற வாழ்த்துக்களோடும், அன்போடும்...

எம்.ரிஷான் ஷெரீப்
16.05.2017
mrishanshareef@gmail.com

show_hide_content அச்சு  தமிழ்மணம் நிர்வாகிக்கு அறிவிக்க  


இன்னாடா இம்புட்டு நாளா.. விசுவை காணோமேன்னு சந்தோசமா இருக்கீங்களா.. அப்படியே இருங்க.. ஒரு முக்கியமான வேளையில் இருக்கேன்.. இன்னும் மூணு மாசத்துக்கு பதிவு எழுதும் ...மேலும் வாசிக்க
இன்னாடா இம்புட்டு நாளா.. விசுவை காணோமேன்னு சந்தோசமா இருக்கீங்களா.. அப்படியே இருங்க..

ஒரு முக்கியமான வேளையில் இருக்கேன்.. இன்னும் மூணு மாசத்துக்கு பதிவு எழுதும் நோக்கம் இல்ல..

நடுவுல..

இன்னைக்கு காலையில்... முகநூலில் .. தோழி கீதாவின் (Geetha Chandra) பதிவு ஒன்னு பார்த்தேன்...

என்ன ஒரு அற்புதமான எழுத்து நடை.. கணக்கு புள்ளையா இருப்பதினால்.. அதிகமாவே ரசிக்க முடியாது.. நீங்களும் படியுங்க...

கீதா.. ஹோப் யு டோன்ட் மைண்ட்...

Here we go....

Debit the Receiver.. ?  அப்படினா.. ரிசீவரை  கிரடிட் பண்ணவே முடியாதா? 


கடலும் மௌனராகமும்
Read more »

show_hide_content அச்சு  தமிழ்மணம் நிர்வாகிக்கு அறிவிக்க  


திரைவிமர்சனம்




















 
குறும்படம்